गोरखा समाचारदाता
गोरखा – गोरखाको मनकामना मन्दिर र केवलबार आजदेखि केही समयका लागि बन्द गरिएको छ ।
कोरोना भाइरसको संक्रमण फैलन सक्ने भन्दै मनकामना मन्दिर र केवलकार बन्द गरिएको हो ।
जिल्ला सुरक्षा समितिले गएको शुक्रबार साँझ निर्णय गर्दै ऐतिहासिक तथा धार्मिक र पुरातात्विक मनकामना मन्दिर र नेपालकै पहिलो केवलकार केही दिनका लागि बन्द गर्ने निर्णय संगै दुवैले दिने सेवा केही दिनका लागि स्थगित गरिएको प्रमुख जिल्ला अधिकारी सुरेन्द्र पौडेलले बताए ।
मनको ईच्छा पुरा गर्ने देविको रुपमा पुजिने मनकामना मन्दिरमा आज (सनिबार) देखी नृत्य पुजा मात्र हुने मन्दिरका पुजारी ईन्सानबहादुर थापाले बताए । नित्य पुजा अन्रर्गत बिहान देविलाई फुल, अक्षता, धुप र नैब्यध्य चढाएको र साँझ दिप प्रज्वलन गरिने पुजारी थापाले बताए । सामान्यतया मन्दिरमा यो सिजनमा १० हजार सम्म मानिसहरुले पुजाका लागि आउने गर्दछन ।
यस्तो अवस्थामा आस्थाले आउने भक्तजनहरुलाई रोक्न नसकिने र आई हालेमा बाहिरै बाट पुजा गरेर फर्कनुपर्ने पुजारी थापाले बताए ।
यता नेपालकै पहिलो केवलकारले पनि आजै बिहान देखी आफ्नो सबै सेवा स्थगित गरेको जनाएको छ । मन्दिरमा जानेहरुको सेवाका लागि सञ्चालिक केवलकारले विहीबार नै सूचना जारी गर्दै चैत्र ३० गते सम्मका लागि सबै सेवा स्थगित गरेको जानकारी सर्व साधारणहरुलाई दिई सकेको नायव महाप्रबन्धक डिएन कायस्थले बताए ।
केवलकारमा दैनिक जसो ५ हजार देखी ७ सम्म मानिसले सेवा लिदै आएको छ । यस्तोमा कुनै पनि मानिसबाट अर्कोमा भाइरस सर्दा ठुलो विपत आई लाग्ने भन्दै तत्कालका लागि सेवा स्थागित गरेको मनकामना दर्शन प्रालिले जनाएको छ ।
