गोरखा समाचारदाता
काठमाण्डौं – नेपाली बजारमा अमेरिकी डलरको सटहीदर अहिले सम्मकै महँगो भएको छ ।
शुक्रबार डलरको भाउ १ रुपैयाँ १७ पैसाले महँगिएर १२० रुपैयाँ २८ पैसा पुगेको छ ।
भारतमा विदेशीमात्र नभएर स्वदेशी लगानीकर्ताले पनि सम्पत्ति बेच्ने लहर चलेपछि अमेरिकी मुद्रा बलियो भएको नेपाल राष्ट्र बैंकले जनाएको छ ।
बिहीबार भारतीय मुद्रा हालसम्मकै कमजोर भएर एक डलरको ७५ रुपैया ३१ पैसा भारुसम्म कारोबार भएको थियो। तर, बजार बन्द हुँदासम्म सरकारी बैंकमा डलरको भाउ केही सस्तिएर ७४ रुपैयाँ ९९ पैसा भारुमा झरेको थियो। भारुको यति ठूलो अवमूल्यनका कारण अमेरिकी डलरको तुलनामा नेपाली रुपैयाँ सस्तिएको हो ।
पछिल्लो २० दिनमा डलरको मूल्य ४ रुपैयाँ ४८ पैसा महँगि सकेको छ।
पछिल्लो १० दिन यता डलरसँगै पश्चिम एसियाका खाडी राष्ट्रको मुद्रा समेत बलियो हुदै जान थालेको छ ।
