एजेन्सी – कोरोना भाइरसलाई विश्व स्वास्थ्य संगठन ‘डब्लुएचओ’ले विश्वव्यापी महामारीको घोषणा गरेको छ । डब्लुएचओले भाइरसलाई हल्का र लापरबाही रुपमा नलिन आग्रह पनि गरेको छ ।
नियमित पत्रकार सम्मेलनमा डब्लुएचओका महानिर्देशक टेड्रोस एड्हानोम गेब्रायसेजले भाइरसको रोकथामको लागि सचेत हुन विश्व समुदायलाई आग्रह गरे । उनले नियन्त्रणको लागि आक्रामक निर्णय लिन समेत आग्रह गरेका छन् ।
डब्लुएचओले नियन्त्रण प्रयाससँगै आपतकालीन अवस्थाको लागि अस्पताल तयारी अवस्थामा राख्न समेत आग्रह गरेको छ । अहिलेसम्म कोरोनाको संक्रमण विश्वका १२० भन्दा धेरै देशहरुमा फैलिइसकेको छ ।
त्यस्तै ४ हजार ६१६ जनाको यो भाइरसका कारण नै ज्यान गइसकेको छ । तिमध्ये ३ हजार १५८ चिनका र १ हजार ४५८ अन्य मुलुकका छन् । भाईरसवाट हालसम्म १ लाख २६ हजार १२१ संक्रमित भएका छन् ।
