एजेन्सी – विश्व नै आतंकित बनाएको कोरोना भाइरसको संक्रमण इरानमा तीव्र गतिमा फैंलदै गइरहेको छ ।
कोरोनाको संक्रमण फैलिएसँगै यससँग जोडेर विभिन्न किसिमका अफवहा समेत फैलिँदै गएको छ ।
अफवहामा लागेर इरानमा २७ जनाले ज्यान गुमाएका छन् भने कयौं उपचाररत छन् ।
इरानमा मदिरा सेवन गर्दा कोरोना भाइरसको संक्रमण नहुने भन्दै फैलाइएको गलत हल्लाको पछि लागेर अनाधिकृत रुपमा बनाइएको मदिरा सेवन गर्दा २७ जनाले ज्यान गुमाउनु परेको हो ।
गैरकानूनी रुपमा बनाइएको रक्सी पिउँदा मेथानोल विषको असरले २७ जनाको मृत्यु भयो भने अन्य २१८ जना अस्पतालमा उपचाररत रहेको इरानको खुजेस्तानको राजधानी अहभाजस्थित जन्डिसापुर मेडिकल युनिभर्सिटीले जानकारी दिएको छ ।
