- नम्बर नखुलेको मोटरसाईकलले ठक्कर दिदा पोखराको मासबारपनि एक बालक घाईते
गोरखा समाचारदाता
पोखरा – लमजुङमा एम्बुलेन्सले ठक्कर दिदा १ बालक घाईते भएको छ । त्यस्तै गरी पोखराको मासबारमा पनि नम्बर नखुलेको मोटरसाईकलले ठक्कर दिदा १ बालक घाईते भएका छन ।
लमजुङको वेशिसहर नगरपालिका ८ मा पैदल हिडी रहेका ८ बर्षिय बालकलाई एम्बुलेन्सले ठक्कर दिएको थियो भने पोखराको मासबारमा मोटरसाईकलले ठक्कर दिदा ७ बर्षिय बालक घाईते भएका हुन ।
प्रदेश प्रहरी कार्यालय पोखराले दिएको जानकारी अनुसार लमजुङमा ग.२ च ४३२२ नम्बरको एम्बुलेन्सले ठक्कर दिदा ८ बर्षिय बालक अनुप गुरुङ घाईते भएका थिए भने पोखरा महानगरपालिका ७ मासबार बस्ने ७ बर्षिय बालक ईशान ढकाल घाईते भएका हुन ।
लमजुङका गुरुङलाई वेशिसहरमा सामान्य उपचार पछि थप उपचारको लागि चितवनको भरतपुर स्थित पुरानो मेडिकल कलेज पठाईएको छ भने ढकालको पोखरामा रहेको मेट्रोसिटी अस्पतालमा उपचार भई रहेको छ ।
लमजुङ घटनामा एम्बुलेन्स चालकलाई प्रहरीले नियन्त्रणमा लिएको छ भने मासबारमा घटना गराउने मोटरसाईकलको पोराख प्रहरी ब्यापक रुपमा खोजबिन गरी रहेको छ ।
