गोरखा समाचारदाता
गोरखा – अन्तराष्ट्रिय नारी दिवशको अवसरमा गोरखामा महिला दौड प्रतियोगिता सम्पन्न भएको छ ।
रोट्रयाक क्लब अफ बज्र मनास्लु गोरखाले दिवशको अवसरमा महिला दौडको आयोजना गरेको हो ।
क्लबले आयोजना गरेको प्रतियोगितामा निर्धारीत २.५ किलो मिटर दौड १२ मिनेट १२ सेकेण्ढमा पुरा गरी पवित्रा बयलकोटी प्रथम भएकी छिन । त्यस्तै गरी १२ मिनेट २४ सेकेण्डमा दुरी पार गर्ने सविता पुलामीमगर र १२ मिनेट ४३ सेकेण्डमा दुरी पुरा गर्ने सुजिता लामिछाने क्रमश.दोस्रा र तेस्रा भएकी छिन ।
दौडमा प्रथम, दोस्रा र तेस्रा हुनेलाई कार्यक्रमका प्रमुख अतिथी एवं विशेष अतिथीले क्रमश ७ हजार, दोस्रो ५ हजार र तेस्रो ३ हजार नगद, ट्रफी, मेडल र प्रमाण पत्र प्रमुख अतिथी गोरखा नगरपालिकाकी उप प्रमुख बिनाकुमारी श्रेष्ठ र विशेष अतिथी जिल्ला प्रहरी कार्यालय गोरखाकी प्रहरी निरिक्षक सिमोन घितालले प्रदान गरीएकी थिईन ।
दौड गोरखा सदरमुकामको खेलकुद मैदान हुदै शक्तिचोक, पुरानो बसपार्क, पदेली, ठुलो आँगन, पाटेचौर, अस्पताल मार्ग हुदै पुनः खेलकुद मैदानमा टुगिंएको थियो । दौडमा १९ महिलाहरुले सहभागिता जनाएका थिए ।
रोट्रयाक क्लब अफ बज्र मनास्लु गोरखाका अध्यक्ष अनुषा श्रेष्ठको अध्यक्षतामा भएको कार्यक्रममा रोटरी क्लब अफ बज्र मनास्लु गोरखाका अध्यक्ष रुसबावु जोशीको समेत उपस्थिती रहेको थियो ।
हरेक वर्ष मार्च ८ तारिखका दिन मनाईने यो दिवस नारी मुक्ति आन्दोलनकी अभियन्ता क्लारा जेट्कीनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएको दिनको स्मरणमा विश्वभर अन्तराष्ट्रिय श्रमिक महिला दिवस मनाउन थालिएको हो ।
