गोरखा समाचारदाता

काठमाण्डौं – राष्ट्रपति विद्यादेवी भण्डारीको भ्रमणका लागि बैतडी र दार्चुलाका ४ वटा पालिकामा बिहीबार बिदा दिइएको छ ।

पूजाआजा र भवन उद्घाटनका लागि उक्त जिल्लामा जान लागेकी राष्ट्रपति भण्डारीको स्वागतका लागि बैतडीको पाटन र दशरथचन्द नगरपालिका तथा दार्चुलाको शैल्यशिखर नगरपालिका र मालिकार्जुन गाउँपालिकाले बिदा दिएको हो ।

पालिकाले सूचना प्रकाशन गर्दै विद्यार्थी, शिक्षक र कर्मचारीलाई राष्ट्रपतिको स्वागतमा अनिवार्यरुपमा उपस्थित हुन समेत निर्देशन दिएको छ ।

राष्ट्रपति भण्डारीले बिहीबार पाटन नगरपालिकामा भीमदत्त पोलिटेक्निक इन्स्टिच्युटको भवन र छात्रावास उद्घाटन, दशरथचन्द नगरपालिकाको त्रिपुरासुन्दरी मन्दिरमा पूजा गर्ने कार्यक्रम छ । पाटन र दशरथचन्द दुवै नगरपालिकाले राष्ट्रपति भण्डारीलाई नागरिक अभिनन्दन गर्ने कार्यक्रम पनि राखेका छन् ।

राष्ट्रपति भण्डारी शुक्रबार डडेलधुराको उग्रतारा मन्दिरको दर्शन गरी कञ्चनपुरमा हुने शुक्लाफाँटा महोत्सवमा सहभागी हुने कार्यक्रम रहेको छ ।

राष्ट्रप्रमुख वा सरकारप्रमुख भ्रमणमा जाँदा बिदा दिइनु, स्वागतका लागि विद्यार्थीलाई घण्टौँ टाढासम्म लैजानु र लाइन लगाइनु, गलत भएको र यसले पञ्चायतकालीन झल्को दिउको भन्दै चौतर्फी विरोध हुने गरे पनि यस्तो काम रोकिएको छैन ।

लेखकबाट थप:

• तेस्रो संस्करणको नेपाल प्रिमियर लिग : विराटनगरमाथि चितवनको जित
• सुनकाे मूल्य बढ्याे, चाँदीकाे मूल्य घट्याे (कतीमा काराेबार हुदै छ ?)
• कुरिनटारमा ट्रक, बस र माइक्रो एक आपसमा ठक्कर खादा ११ घाइते
• तरुण दलकाे स्थापना दिवस : गाेरखा अस्पतालमा फलफुल वितरण
• राजधानीबाटै १२० ग्राम ब्राउन सुगर सहित २ जना पक्राउ