गोरखा समाचारदाता
काठमाण्डौं – आईतबार नेपाली बजारमा सुनको भाउ ७८ हजार ८०० रुपैयाँ पुगेको छ । यो नेपाली सुनको ईतिहासमा पहिलो पटक उच्च भाउ हो ।
दैनिक रुपमा सुनको भाउ बडदै गएको नेपाल सुन चाँदी ब्यवसायी महासंघले जनाएको छ । शुक्रबार ७८ हजार १०० मा कारोबार भएको सुनको भाउ आज एकै दिन ७०० रुपैयाले बढेर प्रति तोला ७८ हजार ८०० मा कारोबार भएको हो ।
तेजाबी सुनको मूल्य ७८ हजार ५०० र चाँदीको मूल्य प्रतितोला ९२० रुपैयाँमा कायम छ। अहिले अन्तर्राष्ट्रिय बजारमै सुनको मूल्य बढेको छ।
विश्व बजारमा सुनको मूल्य बढ्नुमा शक्तिशाली राष्ट्रबीचको तनावको प्रभावलाई लिइएको छ।
शुक्रबार अन्तर्राष्ट्रिय बजारमा प्रतिऔंस १६ सय २८ अमेरिकी डलरमा कारोबार भइरहेको सुन आइतबार बढेर प्रतिऔंस १६ सय ४३ अमेरिकी डलरमा पुगेको छ।
अन्तर्राष्ट्रिय संचार माध्यमहरुले सुनको मूल्य अझै बढ्ने बताइरहेका छन्। नेपाली सुनचाँदी व्यवसायी महासंघले पनि सुनको मूल्य अझै बढ्नसक्ने अनुमान गरेको छ।