गोरखा समाचारदाता
गोरखा – सेना दिवशको अवशरमा गोरखा सदरमुकाममा भलिवल प्रतियोगिता सम्पन्न भएको छ ।
दिवशको अवशरमा रण सिं दल गणको आयोनजामा भएको ‘गोरखा मैत्रीपुर्ण भलिवल ट्रफी’ खेल सम्पन्न भएको हो ।
राष्ट्र सेवक कर्मचारीहरुको समूह र गोरखा जिल्ला बासीहरुको समूह बिच भएको खेलमा राष्ट्र सेवक कर्मचारीहरुको समूह विजयी भएको छ । ५ सेटमा खेलाईएको खेलमा २५–१३, २५–१८, १९–२५, २४–२६ र १५–८ अंकले राष्ट्र सेवक समूहले जित हात पारेको थियो ।
खेलका उप बिजेता र विजेता समूहलाई कार्यक्रमका प्रमुख अतिथी गोरखा नगरपालिकाका मेयर राजनराज पन्त र प्रमुख जिल्ला अधिकारी सुरेन्द्र पौडेलले संयुक्त रुपमा मेडल, प्रमाण पत्र र ट्रफी प्रदान गरेका थिए ।
कार्यक्रममा रण सिं दलका गणपती उज्वल केसी, राष्ट्रिय अनुसन्धान गोरखाका प्रमुखका साथै सरकारी कार्यालयका प्रमुख र संघ संस्थाका प्रमुखहरुको उपस्थिती रहेको थियो ।
