गोरखा समाचारदाता
रसुवा – रसुवागढी नाका भोली देखी १५ दिनका लागि बन्द हुने भएको छ ।
चिनियाँ र नेपाली अधिकारीहरूबीच मंगलबार रसुवागढीमा भएको बैठकले कोरोना भाईसरका कारण देखाउँदै बुधबारदेखि नाका बन्द गर्ने निर्णय गरेको हो ।
बैठकले कोरोना भाइरसको संक्रमण रोक्नलाई नाका बन्द गर्ने सहमती भएको भएता पनि सहमती पत्रमा केरुङतर्फ जाने सडकमा हिउँ परेकोले ढुंगाहरू खसेर दुर्घटना हुनसक्ने र ल्होसार पर्वको कारण नाका बन्द गर्न सहमती भएको हो ।
बैठकमा नेपाल प्रहरी, चिनियाँ प्रहरी र अध्यागमन कार्यलयका अधिकारी उपस्थित थिए । बुधबारदेखि नेपाल चीन आगमन प्रस्थान अनुमति पत्र (चाइना पास) लिएका रसुवाका नागरिक पनि केरुङ जान पाउने छैनन । चाइना पास भएका व्यक्ति नाका पारीसम्म मात्र जान पाउँछन् ।
