गोरखा समाचारदाता
गोरखा – गोरखाको लिगलिगकोटमा भएको माक्र्सबादी युवा मञ्च नेपालको भेलाले सागर पन्तलाई संयोजकमा चयन गरेको छ ।
ऐतिहासिक लिगलिगकोटमा भएको मञ्चको २ दिन सम्मको पहिलो भेलाले पन्तको संयोजकत्वमा २१ सदस्सीय समितिलाई सर्व सम्मत चयन गरेको हो ।
भेलाले मञ्चको सचिवमा बिकास भट्टराईलाई र सदस्यहरुमा धिरज उपरकोटी, अर्जुन पन्त, सुमन अधिकारी, असोक मरहट्टा, अनित पन्त, बसन्त देवकोटा, देवराज गुरुङ, नारायण अधिकारी, हरि भट्ट, सुवास ढकाल, रबिन गैरे, अञ्जन कुमार श्रेष्ठ, सुशिल दुवाडी, अभिषेक अर्याल सर्व सम्मत चयन गरेको हो ।
मञ्चले जिल्लामा छलफल, अन्तरक्रिया तथा बैचारिक स्कुल सञ्चालन गर्ने समेत निर्णय गरेको छ । युवाहरुमा माक्सबादको बुझाईमा कमि भएकाले उनिहरुलाई शिक्षा प्रदान गर्न उत्त निर्णय गरीएको संयोजक पनतले बताए ।
भेलाले लिगलिगकोटको पर्यटन प्रर्बद्धनका लागि आवश्यक भूमिका खेल्ने निणर्य समेत गरेको छ । भेलामा नेपाल कम्युनिष्ट (नेकपा) गण्डकी प्रदेशका सदस्य जुद्धबिलास भण्डारी, पालुङटार नगरकमिटिका अध्यक्ष बिबस चिन्तन (अजय) लगायतको सहभागिता रहेको थियो ।
