गोरखा समाचारदाता
गोरखा – सिरानचोक-३ हर्मीका चम्पावती माविमा सञ्चालित धनधान्यचल महायज्ञ सकिएको छ । उक्त विद्यालयमा व्यवसायिक शिक्षा तथा तालिम परिषद् सिटिइभिटिइको सम्बन्धनमा कृषि विज्ञान विषयको डिप्लोमा र प्लस टू साइन्स विषय अध्यापन गराउनका लागि स्रोत संकलन गर्ने उदेश्यले महायंज्ञ गरिएको मुल समारोह समितिका संयोजक बलबहादुर केसीले जानकारी दिए ।
महायज्ञ मार्फत कुल ६१ लाख भन्दा बढि नगद संकलन भएको छ । १५ गते देखि सुरु भएको महायज्ञको समापनका दिनसम्म ४६ लाख ८९ हजार ६१ रुपैयाँ नगद संकलन भएको र बाँकी रकम दिने प्रतिवद्धता आएको उनले जानकारी दिए । सोमबार एक कार्यक्रमका विच सिरानचोक गाउँपालिका अध्यक्ष राजु गुरुङले महायज्ञको समापन गरेका हुन ।
सो अबसरमा बोल्दै उनले सिरानचोक गाउँपालिकाले हरेक विद्यालयमा एक÷एक वटा प्राविधिक विषय पढाउने नीति लिएको भन्दै चम्पावती माविले थालेको काममा आवश्यक सबै सहयोग गर्ने प्रतिवद्धता व्यक्त गरेका छन् । संकलित रकमले सिटिइभिटिइ मार्फत सम्बन्धन लिनका लागि २५ लाख धरौटी राख्ने र अन्य रकमले पठनपाठन सञ्चालन गर्ने विद्यालयका प्रधानाध्यापक रमेश पराजुलीले जानकारी दिए ।
