गोरखा समाचारदाता
गोरखा – गोरखा सदरमुकाम भएर जिल्ला भित्र र जिल्ला बाहिर जाने सबै सवारी साधानमा मानव बेचबिखन बिरुद्वको सचेतना ब्यानर राखिएको छ ।
मानव बेचबिखन बिरुद्वको साता ब्यापी कार्यक्रम अन्तरर्गत समुदाय–प्रहरी साझेदारीले बिहीबार गोरखा सदरमुकाम भएर जिल्ला भित्र चल्ने र जिल्ला बाहिर जाने सबै सवारी साधानमा सचेतना ब्यानर राखिएको जिल्ला प्रहरी कार्यालय गोरखाका प्रहरी निरिक्षक कमला नरालले बताईन ।
साता ब्यापी कार्यक्रम अन्तरर्गत छैठौ दिन सदरमुकामको पुरानो बसपार्कमा एक कार्यक्रम गरी सवारी चालक, सहचालक, सवारी धनी, सञ्चारकर्मी, सामुदायिक सेवा केन्द्र र यातायात कम्पनीका प्रतिनिधीहरुले मानव बेचबिखन बिरुद्वको ब्यानर हालिएको थियो ।
‘मानव बेचबिखन विरुद्व तथा ओसार पसार विरुद्व नागरिक प्रहरी सहकार्य गरौं । अपराधको सूचना प्रहरीलाई दिई सहयोग गरौं’ ब्यानर सवारी साधनमा हालिएको थियो । जिल्ला भित्र सञ्चालित पृथ्वी राजमार्ग बस सञ्चालक कम्पनी प्रालि, दरौदी यातायात प्रालिका बस तथा माईक्रो र मनकामना यातायात ट्क्यासी सेवा प्रालिका ट्याक्सीमा ब्यानरहरु राखिएको थियो ।
कार्यक्रममा जिल्ला प्रहरी कार्यालयका प्रहरी निरिक्षक कमला नराल, जिल्ला ट्राफिक प्रहरी कार्यालय गोरखाका प्रमुख सुकबहादुर बिक, सामुदायिक सेवा केन्द्र गोरखाका अध्यक्ष अच्यूतलाल श्रेष्ठ, पृथ्वी राजमार्ग बस सञ्चालक कम्पनी प्रालिका, दरौदी यातायात प्रालिका बस तथा माईक्रो र मनकामना यातायात ट्क्यासी सेवा प्रालिका प्रमुख तथा प्रतिनिधीहरुको समेत सहभागिता रहेको थियो ।