कैलासबावु श्रेष्ठ
गोरखा – नेपालका लागि भारतीय राजदुत मञ्जिवसिंह पुरीले गोरखामा भूकम्प पछि पुनःनिर्माण सन्तोष जनक भएको बताए ।
भारतीय सरकारको आर्थिक सहयोगमा गोरखा जिल्लामा निर्माण भई रहेको संरचनाको अवस्थाका बिषयमा जानकारी लिन गोरखा आएका पुरीले जिल्लाका सञ्चारकर्मीहरु संग त्यस्तो कुरा बताएका हुन ।
शनिबार गोरखा दरमुकाम आई पुगेका पुरीले बिनाशकारी भूकम्प पछिको गोरखामा भएको पुनःनिर्माण सन्तोषजनक भएको भन्दै भूकम्पको केन्द्रविन्दु बारपाक, उत्तरी गोरखाको सामागाउँ र तिब्बतको नाकाको बारेमा पनि चासो व्यक्त गरेका थिए ।
शनिबार नै गोरखा सदरमुकाममा रहेको गोरखा संग्रालय अवलोकन पछि गोरखा दरर्बार पुगेका पुरीले नेपाल र भारत बिच मैत्रीपूर्ण सम्बन्ध रहेको भन्दै नेपाल खुशी भए हामी खुशी हुन्छौ र हाम्रो सहयोग सधै रही रहने बताए ।
पुरीले आईतबार सदरमुकाम वरपर भारत सरकारको आर्थिक सहयोगमा भएको पुनःनिर्माणका संरचनाहरुको अबलोकन गर्ने कार्यक्रम रहेको छ ।