गोरखा समाचारदाता
गोरखा – नवलपुर जिल्लाको कावासोतीमा बिहीबार पनि ३ जना लागूऔषध कारोबारी पक्राउ परेका छन । वुधबार पनि प्रहरीले लागूऔषध कारोवारको आरोपमा ४ जनालाई पक्राउ गरेको थियो ।
विशेष सूचनाको आधारमा नवलपुर प्रहरी कार्यालय कावासोतीबाट खटीएको प्रहरी टोलीले कावासोती नगरपालिका १६ मा बुटवल देखी संघिय राजधानी काठमाण्डौं जादै गरेको लु.२ ख १५७९ नम्बरको बसमा खानतलासी गर्दा पोखरा महानगरपालिका १५ मालेपाटन बस्ने दिनेश बि.क., सोही स्थानका सुनिल गायक र काठमाण्डौं महानगरपालिका १४ का अजय सुनारलाई प्रहरीले नियन्त्रणमा लिइएको हो ।
सवारी चेक जाँचका क्रममा पक्राउ परेकाहरुले शंकास्पद गतिविधी गरे पछि प्रहरीले नियन्त्रणमा लिएर खानतलासी गर्दा फेनारगन, डाईजेपाम र नुर्फिन ७५÷७५ एम्पुल बरामद भएको जिल्ला प्रहरी कार्यालय नवलपुरले जानकारी दिएको छ ।
प्रहरी चेक जाँचको क्रममा बुधबार पनि कावासोती ८ बाट लागूऔषध कारोवारको आरोपमा ४ जनालाई नियन्त्रणमा लिएर मुद्वा दर्ता गरी थप अनुसन्धान गरी रहेको छ ।
