- गोरखामा ३६ घण्टा देखी अवरुद्व बिद्युत
कैलासबावु श्रेष्ठ
गोरखा – गोरखा सदरमुकाममा रहेको सब स्टेशनमा समस्या आए पछि ३६ घण्टा देखी गोरखामा बिद्युत अवरुद्व भएको छ ।
बिद्युत अवरुद्व हुदा जन जिवन प्रभावित भएको छ । अबरुद्व बिद्युत शुक्रबारबाट मात्र सुचारु हुने बिद्युत प्राविधकरण गोरखा बितरण केन्द्रले जानकारी दिएको छ ।
८ गते साँझ परेको चट्याङ पछि साँझ ८ बजे देखी अबरुद्व भएको सव स्टेशन बुधबार बिहान सम्म पनि सञ्चालननमा आउन सकेको छैन ।
सब स्टेशन भित्र रहेको ६/८ एमभिएको पावर ट्रान्सफरर्मरमा समस्या देखीको बिद्युत प्राविधकरण गोरखा बितरण केन्दका ईन्जिनियर कृण्ण कडेलले बताए ।
सोही क्षमताको पावर ट्रान्सफरर्मर लिन एक टोली हेटौडा गएको छ । साँझ सम्म पावर ट्रान्सफरर्मर आएमा बिहीबार साँझ देखी बिद्युत सुचारु गर्न सकिने तर केही समस्या भए शुक्रबार भन्दा अगाडी बिद्युत सुचारु गर्न समस्या हुने ईन्जिनियर कडेलले बताए ।
सव स्टेशन अवरुद्व हुदा भए पछि गोरखा बजारमा पानीको हाहाकार भएको छ भने मोबाईल सम्र्पकमा समस्या आउन थालेको छ ।
त्यस्तै गरी ईन्टरनेटमा समस्या आए पछि बैंकको कारोवारमा समेत समस्या भएको छ । गोरखा बजारमा बितरण हुने पानी लिफ्ट प्रविधीको भएका कारण ३ दिन देखी पानी वितरण हुन सकेको छैन ।
बिद्युत अबरुद्व भए पछी स्थानिय पत्र पत्रिकाहरु देखी सदरमुकाममाको ५ वटा एफएम पुर्ण रुपमा बन्द भएको छ ।
विद्युतकै कारण जिल्ला अस्पताल देखी निजि क्लिनकहरुमा समेत समस्या देखिएको छ ।
सरकारी कार्यालयको काममा बाधा परेको छ । उद्योग कलकारखाना बन्द भएका छन । गर्मीले स्कुलमा विद्यार्थीहरुलाई अध्यापन गराउन समस्या भएको छ ।
सव स्टेशनमा समस्या आए पछि मंगलबार पोखरा देखी आएको ग्रिडका टोलीले काम गरी रहेको छ ।
समस्या पत्ता लगाउन नसके पछि बुधबार बिहान मात्रै मध्य मस्र्यादी देखी प्राविधकहरुको टोली आएर सव स्टेशनको समस्या हेरी रहेको ईन्जिनियर कृण्ण कडेले बताए ।
बिद्युत प्राधिकरण गोरखा बितरण शाखाका अनुसार गोरखा सव स्टेशनको विद्युत अवरुद्व हुदा ३ वटा फिडरबाट गोरखाका २० हजार घर प्रभावित भएको छ ।
