गोरखा समाचारदाता
गोरखा – गण्डकी प्रदेश अन्तरर्गत बागलुङ र स्याङजामा फरक फरक घटनामा २ जनाको मृत्यु भएको छ ।
गण्डकी प्रदेश प्रहरी कार्यालय पोखराले दिएको जानकारी अनुसार बागलुङ नगरपालिका ८ को सिंगाना स्थित काठेखोला गाउँपालिका २ भिमपोखरा निवासी ७५ बर्षिय अच्छि गिरी माईतीबाट घर तर्फ फर्कदै गर्दा खोला पार गर्ने क्रममा डाडाँ माथीबाट खसेको ढुङ्गाले लागि उपचारको क्रममा मृत्यु भएको थियो ।
घाईते गिरीलाई तत्कालै बागलुङको धवलागिरी अञ्चल अस्पताल लगिएको भएता पनि उनलाई चिकित्सकले मृत्त घोषणा गरेका थिए ।
त्यस्तै गरी स्याङजा चापाकोट नगरपालिका १० किसान विरुवा स्थित आफ्नै खोतमा धान गोडी रहेकी ५८ बर्षिया निनीकुमारी गाहाको मृत्यु भएको छ ।
प्रदेश प्रहरी कार्यालय पोखाका सुचना अधिकारी प्रहरी नायव उपरिक्षक कृण्णबहादुर कार्कीले दिएको जानकारी अनुसार स्थानिय निनीकुमारी धान खेलामा काम गरी रहेको बेला एक्कासी खेत छेवैमा रहेको वरको रुख लडेर च्यापीदा ५८ बर्षिया गाहाको घटना स्थलमा नै मृत्यु भएको थियो ।
