गाेरखा समाचारदाता
गाेरखा – प्रधानमन्त्री केपी शर्मा ओली स्वास्थ्य परीक्षणका लागि सिंगापुर गएका छन् ।
बिहीबार दिउसाे १:३० बजे थाई एयरबाट धर्मपत्नी राधिका शाक्यलगायतका केही सहयोगी, निजी चिकित्सक र सुरक्षाकर्मीका साथ सिंगापुर गएको प्रधानमन्त्रीको सचिवालयले जनाएको छ ।
१० दिन अगाडी मात्र सिंगापुरको न्यासनल युनिभर्सिटी अस्पताल (एसएनयू) मा उहाँको स्वास्थ्य परीक्षण गरिएको थियो ।
प्रधानमन्त्री ओलीका निजी चिकित्सक डा. दिव्या सिंहले जानकारी दिदै अघिल्लो पटकको स्वास्थ्य परीक्षणमा प्रधानमन्त्री ओलीको शरीरमा मृगौला सम्बन्धी एण्टीबडीको मात्रा केही बढी देखिएको बताए ।
‘एण्टीबडीलाई शरीरबाट निश्कासन गरी निराकरण गर्ने उपचार बिधिलाई निरन्तरता दिन प्रधानमन्त्रि ओली सिगापुर जान लागेको डा. सिंहले बताइन ।
सिंगापुरमा रहँदा न्यासनल युनिभर्सिटी अस्पतालमै नेपाली चिकित्सकका साथमा त्यहाँका विज्ञहरुको टोलीले उहाँको मिर्गौलाको थप परिक्षण र क्षमता अभिवृद्धिका लागि आवश्यक उपचार हुने छ ।
