गाेरखा समाचारदाता
गाेरखा – अछामकाे बान्नीगढी जयगढ गाउँपालिकामा बुधबार राति भएको जिप दुर्घटनामा ३ जनाको मृत्यु भएकाे छ । अन्य ३ जना घाइते भएका छन् ।
मुजाबगरबाट जयगढ जादै गरेको से. १ ज ९९५ नम्बरको जिप जयगढ–माँझेठाना सडक खण्ड अन्तर्गत सुकिबाग डिल्ली बजार नजिक बुधबार साँझ ८ बजेतिर सडकबाट करिव ५ सय मिटर तल खसेकाे थियाे ।
मृत्यु हुने मध्ये १ जनाको घटनास्थलमै र २ जनाको उपचारका क्रममा बयालपाटा स्थित अस्पतालमा मृत्यु भएको प्रहरीले जनाएकाे छ।
मृत्यु हुनेमा बान्नीगढी जयगढ गाउँपालिका–४ का अशोक परियारकाे, बान्नीगढी जयगढ–४ का काले परियार र बैतडी घर भै अछाममा सवारी चालकको काम गर्दै आएका लाल बोहराकाे ज्यान गएकाे जिल्ला प्रहरी कायार्लय अछामले जानकारी दिएकाे छ ।