कैलासबावु श्रेष्ठ
गोरखा – केही दिन यता गोरखा सदरमुकाममा चोरीको घटना बढन थालेको छ । प्रहरी प्रशासनलाई गुहादा पनि चोरीमा संलग्नलाई पक्राउ गर्न असफल भए पछि स्थानिय आफै जागरुक हुन थालेका छन ।
स्थानियको पहलमा बुधबार बिहानै ठिगुरेश्वारा क्षेत्रमा ३ जना चोरहरुलाई नियन्त्रणमा लिएका छन । नियन्त्रणमा लिएका सबै चोरहरुलाई स्थानियले बिहानै प्रहरीको जिम्मा लगाएको छ ।
४ जना चोरहरु मध्ये १ जना भाग्न सफल भएको र ३ जनालाई नियन्त्रणमा लिन सफल भएको स्थानिय शिवराम सिंह बस्न्यातले जानकारी दिए ।
समातिएका सबैलाई प्रहरीको जिम्मा लगाएका छौ । गोरखा र धादिङ घर बताएका उनीहरुको नाम र पुर्ण विवरण भने आएको छैन ।
जिल्ला प्रहरी कार्यालय गोरखाका अनुसार भागेको भनिएको चोरको खोजीका लागि प्रहरी परिचालन गरीएको र पक्राउ परेकाहरुलाई सोधपुछ जारी रहेकोले अहिले नै केही भन्न नसकिने जानकारी दिएको छ ।
