गाेरखा समाचारदाता
गाेरखा – नेपाली बजारमा सुनको भाउ बढने क्रम राेकिएकाे छैन । मंगलबार नेपाली बजारमा सुन प्रतितोला ७१ हजार पुगेको छ ।
सुनचाँदी व्यवसायी महासंघका अनुसार मंगलबार छापावाल सुनको भाउ तोलाको ७१ हजार रुपैयाँ पुगेको हो ।
मंगलबार तेजावी सुन ७० हजार ७ सयमा काराेबार भइरहेकाे छ।अन्तर्राष्ट्रिय बजारमा सुनको मूल्य प्रतिऔस १५ सय ७ अमेरिकी डलर पुगेकाे कारणा नेपालमा पनि भाउ बढेकाे हाे।
चाँडपर्वसँगै सुन महँगिए पछि किनबेच भने ओरालो लागेको छ ।
नेपाली महिलाहरूकाे महान चाढ हरितालिका तीजको सिजन सुरु भइसक्दा र दसैं नजिकिँदा गदा देशै भरीकाे सुन पसलमा ग्राहकको चहलपहल हुन सकेकाे छैन ।
मूल्य बढ्दै गएपछि सुन किन्नेहरूकाे भन्दा पनि बेच्नेहरूकाे भिड लागेकाे ब्यापारीहरूकाे भनाइ छ । अहिले झन्डै ८० प्रतिशतले सुन किनबेच घटेको व्यापारीकाे भनाई छ ।