गोरखा समाचारदाता
गोरखा – खोटाङका साईकल यात्रीलाई गोरखामा एक कार्यक्रम बिच स्वागत गरिएको छ ।
गोरखा उद्योग बाणिज्य संघले खोटाङ्ग दिक्तेलका साईकल यात्री कर्णबहादुर श्रेष्ठलाई सोमबार स्वागत गरेको थियो । पर्यटन बर्ष २०२० को प्रचार प्रसार एवम ‘भ्रष्टचारमुक्त समाज निर्माण गरौँ, धार्मिक एवं पर्यटन क्षेत्रको प्रवद्र्धन गरौँ’ भन्ने नारा लिएर देशयात्रामा निश्किएका श्रेष्ठ १ सय ४९ दिन लगाएर गोरखा आई पुगेका थिए ।
खोटाङको दिक्तेलबाट ०७५ साल चैत्र ३ गतेबाट साइकल यात्रामा निस्किएका कर्णबहादुर श्रेष्ठ ०७६ साल असोज भित्रै देशका ७७ वटै जिल्लाको भ्रमण गरेर सक्ने लक्ष्य लिएका छन ।
स्वागत कार्यक्रममा बोल्दै नेपालमा भ्रष्ट्रार मौलाउनुको मुख्य कारण अशिक्षा भएको भन्दै शिक्षामा सरकारले विशेष ध्यान दिनु पर्ने बताए । श्रेष्ठले सबै जिल्लामा स्कुल र कलेजका बिद्यार्थीहरु संग अन्तरक्रिया गर्दै हिडेको समेत जानकारी दिए ।
गोरखा आईपुगेका श्रेष्ठले पत्रकारहरुको जिज्ञासा मेटाउदै देश भ्रमणका लागि साईकल सस्तो यात्रा भएको र स्वास्थ्यको लागि समेत फाइदा भएकोले साईकल यात्रा रोजेको बताए ।
उनको यात्रालाई देशै भर उद्योग बाणिज्य संघ र विभिन्न संघ संस्था र स्थानिय पालिकाहरुले आवास र खानाको ब्यवस्था गरिदिएको श्रेष्ठले जानकारी दिए ।
कार्यक्रममा श्रेष्ठलाई गोरखा उद्योग बाणिज्य संघका एक टोलिले सम्मान गरेको थियो ।