गाेरखा – सर्लाहीबाट काठमाडौंतर्फ जाँदै गरेको रात्री बस धादिङको रोराङ गाउँपालिकाको वडा नम्बर ३ सलाङघाट स्थित त्रिशूली नदीमा खसेको बसलाई निकालिएको छ ।
बसभित्र कोही पनि यात्रु नभेटिएको उद्दारमा खटिएका प्रहरीले जानकारी दिनुभएको छ । । दुर्घटनामा परि पाँच जनाको मृत्यु भएको छ भने १६ जनाको उद्धार गरिएको छ । बसमा यात्रा गरी रहेका अझै २४ जना बेपत्ता छन् ।
सर्लाहीबाट काठमाडौंका लागि छुटेको ना ६ ख ७४६९ नम्बरको बस विहान ३.३० वजेतिर पृथ्वीराजमार्गको सलाङबाट त्रिशूली नदीमा खसेको हो ।
दुर्घटनामा परेर मृत्यु हुनेमा अजय दास र विजय कुर्मी रहेका छन् भने बाँकीको परिचय खुलेको छैन । थप २ जनामा १ महिलाको शव मुग्लिनमा र अर्को जुगेडीमा भेटिएको छ ।
वर्षातको समय भएकाले नदीमा पानीको मात्रा बढी र धमिलो भएकाले बेपत्ताको खोजी कार्यमा कठिनाइ भएको प्रहरीले जानकारी दिएको छ ।
प्रहरीले दिएको जानकारी अनुसार बसमा जीवन भनेर चिनिने लक्ष्मण जमरकटेल चालक, प्रमोद चौधरीसहचालक र ऋषी उप्रेती कन्टेक्टर सवार थिए । उद्धार गरिएका १६ जनामा भुपेन्द्र कुमार यादव, अनिष राय, सुनिता रोकाया, शिखर कुमार महतो, राकेश बैठा, संजय महतो, रहेका छन् ।
त्यसैगरी जहेन्दर ठाकुर, रोहित कुमार मण्डल, शमिम राजा अन्सारी, धीरेन्द्र ठाकुर, चालक लक्ष्मण जमरकटेल, विजय राय यादव, दिनेश ठाकुर, भोगेन्द्र चौधरी, राहुल रहेका छन् । घाइते मध्ये ७ जनाको गजुरी अस्पतालमा सामान्य उपचार पछि घर पठाइएको छ भने अन्यलाई काठमाडौँ रिफर गरिएको छ ।
प्रहरीका अनुसार बस चालक, सहचालक र कन्डक्टर गरी जम्मा ४५ जना सवार रहेको बुझिएको छ ।
उद्धारका लागि नेपाल प्रहरी, शसस्त्र प्रहरी, नेपाली सेना, रेडक्रस कर्मी, स्वयंसेवी समूहको टोली दुर्घटना स्थलमा खटेको थियाे । चालक निदाएको कारण दुर्घटना भएको हुनसक्ने प्रहरीको प्रारम्भिक अनुसन्धानमा देखिएको छ ।
बसमा सवार यात्रुहरु
- खुश रंजन
- मोहम्मद मतलुङ
- नविन कुमार महतो
- मनिष रायसहित २ जना
- राकेश राउत
- आशिष कुमार सहित २ जना
- दिनेश ठाकुर
- धीरेन्द्र शर्मा
- रबि कुमारसहित ३ जना
- दिलिप दास सहित ३ जना
- भुपेन्द्र कुमार
- राजनारायण गुप्ता सहित ४ जना
- संजिव चौधरी
- अरिबन्द सिंह (वकिल)
- अनिष राय
- रामबाबु यादव सहित ३ जना
- अजय ठाकुर सहित २ जना
- रोहित मण्डल
- शमिम
- सुशिल श्रीवास्तव र अनिल
- नारायण महतो सहित ३ जना
- योगेन्द्र चौधरी
- अमित लामा