कैलासबावु श्रेष्ठ
नेपाल कम्युनिष्ट पार्टी (नेकपा) का स्थायी कमिटि सदस्य घनश्याम भुषालले पार्टी भित्रको गुट छोडेर एजेण्डामा बहस गर्ने बेला आएको बताए ।
नेकपाका नेता लेखनाथ न्यौपानेद्धारा लिखित ‘सर्घषको इतिहास’ पुस्तकको परिचर्चा कार्यक्रम सहभागित हुन गोरखा आएका नेता भुषालले त्यस्तो कुरा बताएका हुन । कार्यक्रम प्रगतिशिल लेखक संघ गोरखाले आयोजना गरेको हो ।
परिचर्चा कार्यक्रममा नेता भुषालले भविष्यलाई हेरेर पार्टीको कार्यदिशा निर्माण गर्ने बेला आएको बताए । पार्टी भित्रको गुट उपगुट त्यागेर अघि बढ्नुपर्ने भुषालको भनाई थियो ।
नेता भुसालले अहिले नेपाल कम्युनिष्ट पार्टीलाई जनताले तराईबाट लेकमा पुरयाएकोले पार्टीको जिबन लेकमा समायोजन हुन केही समस्या र अफ्ठ्यारा आएको ब्यग्य गरे । ‘जसरी तराईमा बसोबास गर्दै आएको व्यक्तिलाई उच्च हिमाली भेक पुग्दा त्यहाँको बाताबरणमा मिल्न समस्या हुन्छ, अहिले नेकपामा पनि त्यस्तै ठूलो समस्या भएको’ बताए ।
कार्यक्रममा बोल्दै नेपाल कम्युनिष्ट पार्टीका केन्द्रिय सदस्य एवं कृतिका लेखक लेखनाथ न्यौपानेले पछिल्लो समय पार्टीलाई बैचारिक भन्दा पनि बिक्रिका साधनको रुपमा प्रयोग गर्ने संस्कार हावी भएको बताए । ‘बिचारमा केन्द्रित हुने भन्दा पनि कुनकुरा बजारमा बिक्रिहुन्छ त्यही कुरा उठाउने संस्कार पार्टी भित्र हावी भएको’ नेता न्यौपानेको भनाई थियो ।