कैलासबावु श्रेष्ठ

साउन १७ गते । गोरखाको सिरानचोक गाउँपालिकामा पहिरोमा परेर चालक र एक्साभेटर पुरिएको छ । पुरिएका चालकको अवस्था अज्ञात छ ।

सिरानचोक गाउँपालिका–१ को केराबारीमा शुक्रबार बिहान पहिरोले एक्साभेटर सहित चालक पुरिएको जिल्ला प्रहरी कार्यालय गोरखाका प्रहरी उपरिक्षक ओमप्रसाद अधिकारीले बताए । स्थानिय गुप्चेखोला नजिककै बाटो खन्ने क्रममा माथिबाट खसेको पहिरोले एक्साभेटर सहित चालक पुरिएको हो । बिहान ८ बजे भएको उत्त घटना लगत्तै स्थानिय र प्रहरीले चालकलाई उद्वार गर्ने कोशिस गरिरहेको छ । चालकको हात मात्र देखीएको र ठुलो पहिरोले पुरिएको कारण उद्वारमा ढिलाई भएको जिल्ला प्रहरी कार्यालय गोरखाले जानकारी दिएको छ ।

सिन्धुपाल्चोक मेलम्ची घर भएका चालक रमेश तामाङलाई पहिरोले पुरेको प्रहरी उपरीक्षक अधिकारीले जानकारी दिनुभयो । घटनास्थलमा पुगेर तामाङको उद्धारको प्रयास भईरहेको प्रहरीले जनाएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए