गोरखा समाचारदाता
साउन १७ गते । सवारी कागजात किर्ते गरेको आरोप गोरखाबाट २ पक्राउ परेका छन् ।
प्रहरीले सवारी दर्ता किताबको नविकरण महलमा किर्ते गरेको आरोपमा किर्तिपुर नगरपालिका–४ का हरिहर खत्री र काभे्र पलाञ्चोकका निमा दोर्जेलाई नियन्त्रमा लिएको हो । गत जेठ १४ गते गोरखा नगरपालिका–६ कालिमाटी बजारमा सवारी चेकजाँचको क्रममा बा. १ च.१०३० नम्वरको जीप चालक खत्रीले काजजात किर्ते गरेको प्रहरीले फेलापारेको थियो ।
खत्रीलाई नियन्त्रणमा लिएर सवारी दर्ता किताबको नवीकरण महल र्शीषकमा अनुसन्धान थालेको प्रहरीले उहाँकै वयानको आधारमा काभ्रे पलान्चोकका लामाको पनि संलग्नता फेला पारेको जिल्ला प्रहरी कार्यालय गोरखाका प्रमुख ओमप्रसाद अधिकारीले जानकारी दिए ।
फरार लामालाई बुधबार काठमाण्डौंबाट पक्राउ गरी गोरखा जिल्ला अदालतमा उपस्थित गराइएको प्रहरीले जानकारी दिएको छ ।