गोरखा समाचारदाता
साउन १७ गते । नेपाली सेनाको पोसाक प्रयोग नगर्न जिल्ला प्रशासन कार्यालयले आग्रह गरेको छ ।
बिहीबार सूचना जारी गर्दै प्रशासनले सेनाको पोशाक दुरुपोग नगर्न आग्रह गरेको प्रशासकिय अधिकृत गौतम भण्डारीले जानकारी दिए । ‘नेपाली सेनाको सकल दर्जाले प्रयोग गर्ने विभिन्न किसिमका पोशाकहरू मध्ये क्यामो फ्लाइज कपडा स्थानीय वजारमा विक्रि वितरण गर्ने गरेको, वन तथा वातावरण मन्त्रालय अन्तर्गतका वन रक्षक तथा केही निजी सुरक्षा कम्पनी, गार्ड, गैर सैनिक व्यक्तिहरुले समेत प्रयोग गर्ने गरेको पाइएको छ । यसरी नेपाली सेनाले प्रयोग गर्ने क्यामो फ्लाइज कपडा अन्य गैर सैनिक व्यक्ति तथा निकाय, संघ, संस्थाहरूलाई प्रयोग नगर्न नगराउन तथा स्थानीय बजारमा समेत सो कपडा विक्रि वितरण नगर्नु नगराउनु हुन अनुरोध छ ।’ प्रशासनले जारी गरेको सूचनामा भनिएको छ । यदी उक्त निर्णयको पालना नगरेमा कानून अनुसार कारवाही गरिने समेत प्रशासनले स्पष्ट पारेको छ ।
जिल्ला प्रशासन कार्यालयले विहीबार नै अर्को सूचना जारी गर्दै पूर्व अनुमती÷स्वीकृती बिना कार्यक्रम नगर्न सबैलाई आग्रह गरेको छ । ‘विभिन्न सरकारी कार्यालय संघ÷संस्थाहरुले समेत यस जिल्ला भित्र सञ्चालन गर्ने सबै प्रकारका कार्यक्रम गर्नु पूर्व सुरक्षाका हेतुले जिल्ला प्रशासन कार्यालयमा जानकारी गराउनु पर्ने, वा पूव अनुमती÷स्वीकृती लिनु पर्ने हुन्छ ।
कतिपय कार्यालय संघ÷संस्थाहरुले कार्यक्रम सञ्चालन गर्नु पूर्व जिल्ला प्रशासन कार्यालयलाई आवश्यकता अनुसार जानकारी गराउने वा अनुमती÷स्वीकृती लिने गरेको नपाइएकोले अब आइन्दा कुनै पनि प्रकारका कार्यक्रम सञ्चालन हुन पूर्व अनिवार्य रुपमा जिल्ला प्रशासन कार्यालयमा जानकारी गराई आवश्यकता अनुसार जानकारी गराउने वा अनुमती/स्वीकृती लिएर मात्र कार्यक्रम सञ्चालन गर्ने व्यवस्था मिलाउनु हुन सम्बन्धित सबैमा सूचित गरिन्छ ।’ सूचनामा भनिएको छ ।
प्रशासनको अनुमती पूर्व सहमती÷अनुमती पत्र हेरेर मात्र स्थल उपलब्ध गराउने संघ÷संस्थाहरु, व्यवसायी, कार्यालय तथा सभाहल सञ्चालकहरुलाई समेत आग्रह गरिएको छ । बिना जानकारी जिल्लामा जथाभावी कार्यक्रमहरु हुन थाले पछि सुरक्षा व्यवस्थापन गर्न कठिनाई भएको भन्दै प्रशासनले यस्तो आग्रह गरेको प्रशासकिय अधिकृत भण्डारीले बताए ।