गोरखा समचारदाता
साउन १५ गते ।मुग्लीनको नयाँ आर्क ब्रिज मंगलबार देखी संञ्चालनमा आएको छ ।
पृथ्वीराजमार्ग अन्तर्गतको चितवनको मुग्लीन र तनहुँको आँबुखैरेनी गाउँपालिका जोडने त्रिशुली नदी माथि निर्माण भएको आर्क ब्रिज सञ्चालनमा आएको हो ।
पुल निर्माणको काम सकिन ४ वर्ष लागेको थियो । प्रधानमन्त्रि केपी शर्मा ओलीले १ महिना अगाडी नै उदघाट्न गरेर सञ्चालन गर्ने भनिएको पुल निर्माणमा ढिलाई भए पछि त्यसै बिना उदघाटन सञ्चालनमा आएको हो । नेपाली प्राविधिक र नेपाली कन्सलटेन्सी बनाएको यो पुल नौलो प्रविधिको पुल हो । हिमाली क्षेत्रका लागि उपयुत्त र टिकाउ मानिने यो पुलमा कम्पन हुँदैन र सस्तोमा निर्माण हुने गर्दछ । ८० वर्ष आयु मानिएको यो पुल १२ करोडको लगनीमा निर्माण भएको हो ।
उक्त पुल भएर दैनिक २० हजार साना ठूला सवारी साधन आवतजावत गर्ने अनुमान गरिएको छ । ११ मिटर चौडाई मध्ये ७.५ मिटरमा गाडी चल्ने र बाँकी भागमा मानिसलाई हिड्ने मिल्ने गरी निर्माण गरीएको छ । पुल निर्माण संगै अब दुवै पुलबाट एक तर्फी मात्र सञ्चालनमा आउने छ ।