गोरखा समाचारदाता
सिरानचोक गाउँपालिकाले हजयात्रा गरेर आएका मुस्लिमहरुलाई सम्मान गरेको छ ।
मंगलबार एक कार्यक्रमका विच सिरानचोक ३ हर्मीबाट २०७६ साल भन्दा पहिला साउदी अरबको मक्कामा हज गरेर फर्केका हाजीहरुलाई सम्मान गरिएको हो । वडा अध्यक्ष बीरबहादुर ढकालको अध्यक्षतामा भएको कार्यक्रममा हाजी सफार दिन मिया, हाजी सम्सुदीन मिया, हाजी इजाजु मिया, हाजी हबि मिया, हाजी मुमादीन मिया, हकीमा मिया र सायदा मियालाई सम्मानित गरिएको स्थानीय जमालुदिन मियाँले जानकारी दिए ।
सोहि अबसरमा हर्मी भजन मण्डली र मलातार भजन मण्डली लाइ खैचडी, मादल, मुजुरा, झुर्मा लगायतका बाध्य बादनका सामग्रीहरु वितरण गरिएको थियो । साथै जनजाती समाजलाई साउण्ड सिस्टम वितरण गरिएको छ । उक्त कार्यक्रममा चम्पावती माबिका प्रधानाध्यपाक रमेश पराजुली, हर्मी भजन मण्डलीका रमेश ढकाल, मल्टार भजन मण्डलीका कमलबहादुर थापा, धनबहादुर तामाङ्गले आफ्नो मन्तब्य राखेका थिए ।