नरेन्द्र ढकाल/गोरखा
चैत्र ९ गते । गोरखा नगरपालिका वडा नम्बर १० बिरेनचोककी ८ वर्षिय बालिका जबरजस्ती करणीको शिकार भएकी छिन् । उनलाई आफन्त पर्ने १६ वर्षका एक किशोर (बालक) ले जबरजस्ती गरेको भन्दै पिडित बालिकाले प्रहरीमा बयान दिएकी छिन् । फागुन १ साँझ ६ः ३० बजे तिर घरमा कोही नभएको मौका छोपी ती किशोरले कुवामा पानी भर्न जाने निउँमा घर नजिकैको जंगलमा लगेर जबरजस्ती करणी गरेको बालिकाले प्रहरीमा दिएको बयानमा उल्लेख छ । कपडा खोलेर अर्धनग्न अवस्थामा एक छिमेकी देखे पछि उनले पिडितको परिवारलाई जानकारी गराइएकी थिइन् ।
सामाजिक प्रतिष्ठा गुम्ने डरले पिडित परिवारले गुपचुप राख्न खोजे पछि ढिला गरी घटना बाहिर आएको हो । ८ वर्षिय बालिकालाई प्रलोभन देखाएर जबरजस्ती गरेको र उक्त कुरा कसैलाइ नभन्न धक्की दिएको बालिकाको परिवारलाई उदृत गर्दै जिल्ला प्रहरी कार्यालय गोरखाकी महिला तथा बालबालिका सेवा केन्द्र प्रमुख प्रहरी निरीक्षक कमला नरालले जानकारी दिइन् । ‘उहाँहरुले प्रहरीमा जाहेरी दिनुभएको छ, हामीले घटनाको आरोपीलाई समेत नियन्त्रणमा लिइसेका छौ’ उनले भनिन् ।
फागुन १ गते भएको घटना भए पनि ढिलो गरी बुधबार मात्र पिडित पक्ष प्रहरीको सम्र्पकमा आएपछि अनुसन्धान सुरु गरिएको छ । घटनाको आरोपमा प्रहरीले १६ वर्षका एक किशोरलाई नियन्त्रणमा लिएर थप अनुसन्धान सुरु गरेको छ । ‘आरोपी पनि भर्खर १६ वर्षका बालक रहेछन्, अन्य अपराधी सरह थुनुवा कक्षमा राख्न त मिल्दैन हाम्रो सम्र्पकमा राखेर अनुसन्धान गरिरहेका छौं’ प्रहरी निरीक्षक नरालले भनिन् ।
प्रहरीले जबरजस्ती करणी उद्योगमा मुद्दा दर्ता गरेर अनुसन्धान अगाडी बढाएको छ । स्वास्थ्य परिक्षणको रिर्पोटलाई प्रमाण बनाएर मुद्दा अदालतमा मुद्दा दर्ता गराउने प्रहरीको तयारी छ । ‘घटनाको बिषयमा अब अदालत नै बोल्छ, हामीले अनुसन्धानको प्रक्रिया पुरा गरेर अदालतमा पेश गछौ’ प्रहरी निरीक्षक नरालले भनिन् । घटनामा संग्लन दुबै बालबालिका भएकाले प्रहरीले दुबैको परिचय गोप्य राखेको छ ।
प्रहरीले बिहीबार उनकै घरबाट आरोपी किशोरलाई नियन्त्रणमा लिएर बाल सुधार गृहमा राखेको छ । उनीहरु दुबै जनाको स्वास्थ्य परिक्षण गरी प्रारम्भिक बयान पनि लिइसेको प्रहरीले बताएको छ । बालिकालाई भने परिवार सँगै घर पठाइएको छ ।
