गोरखा समाचारदाता
स्पाईनल कर्ड इन्जुरी खेलकुद संघको आयोजनामा विभिन्न खेलकुद प्रतियोगिता सुरु भएको छ ।
जिल्ला सरमुकामको हरमटारी खेल मैदानमा विहीबारबाट सुरु भएको प्रतियोगितामा शारिरीक रुपमा अपाङ्गता भएकाहरुले ह्विलचियर मार्फत विभिन्न खालका प्रतिस्पर्धा गर्नुका साथै सास्कृतिक कार्यक्रम गरेर आफ्नो प्रतिभा प्रस्तुत गरिरहेका छन् । ‘अपाङ्गता भएका व्यक्तिहरु सँग पनि विभिन्न खालका प्रतिभा हुन्छन्, हामीसँग पनि क्षमता छ, भनेर देखाउनका लागि यो प्रतियोगिता गरेका हौ’ सघंका महासचिव ऋषिराम ढकालले भने ‘हामीलाई माया र सद्भाव भन्दा पनि अबसर चाइएको छ ।’ प्रतियोगिताको पहिलो दिन बिहीबार बास्केटबल प्रतियोगिता भएको छ ।
प्रतियोगितामा २ टिम महिला सहित ६ टिमको सहभागीता रहेको थियो । प्रतियोगिता अन्र्तगत बिहिबार पहिलो र दोश्रो चरणका खेल सम्पन्न भइसकेका छन् । शुक्रबार बास्केटबलको फाईल खेल हुनुका साथै क्रिकेट प्रतियोगिता समेत हुने आयोजकले बताएको छ ।ह्विलचियरबाट भईरहेको खेल हेर्न उल्लेख्य मात्रामा दर्शकहरु मैदान पुगेका थिए ।
जिल्ला समन्वय समितिका प्रमुख अशोक कुमार गुरुङ, प्रमुख जिल्ला अधिकारी जितेन्द्र बस्नेतले उक्त प्रतियोगिताका उद्घाटन गरेका हुन् । बिजयीले शिल्ड मेडल र नगद पुरस्कार पाउनेछन् । शुक्रवार दुई टिम बिच क्रिकेट खेल पनि हुनेछ । प्रतिसप्रर्धा भन्दा पनि जनचेतनामुलक अभियानका लागि यो अभियान सञ्चालन गरिएको स्पाईनल कर्ड इन्जुरीले बताएको छ ।
उक्त प्रतियोगितासँगै विभिन्न सास्कृतिक कार्यक्रमहरु भइरहेको आयोजकले बताएको छ ।
तस्विर सौजन्य ऋषी ढकाल