ढकाल/गोरखा
फाल्गुण १८ गते । जिल्ला सदरमुकाममा रहेका विभिन्न सरकारी कार्यालय स्थानीय तहमा समायोजन हुने भएपछि हाल सञ्चालनमा रहेका कामहरु के हुने भन्ने अन्यौल बढेको छ । शिक्षा, स्वास्थ्य, कृषि, पशु, महिला तथा बालबालिका लगायतका महत्वपुर्ण कार्यालयहरु आगामी चैत २८ देखि पुर्ण रुपमा स्थानीय तहको मातहतमा रहने भएपछि अहिले सञ्चालन भइरहेका कार्यक्रमको भविष्य बारे अन्यौलता बढेको हो । ‘यदी चैत्र २८ गते देखि ती सरकारी कार्यालय स्थानीय तहमा समायोजन हुने हो भने अहिले भइरहेका कार्यक्रमको भविष्य के हुने भन्ने अन्यौलता बढेको छ’ जिल्ला शिक्षा अधिकारी दिपेन्द्र सुवेदीले भने ।

तर समायोजन हुने भनिएका सम्र्पुण सरकारी कार्यालयहरुले गत आर्थिक वर्षमा निर्माण गरिएको नीति तथा कार्यक्रम अुनसार असार मसान्त सम्म काम गर्नुपर्ने छ । ‘चैत २८ गते कार्यालय समायोजन हुने भयो भने कतै असार मसान्तसम्म अख्तियारी पाएका योजनाहरु तत्काल ठप्प हुने अवस्था छ’ जिशिअ सुवेदीले भने ।

जिल्ला शिक्षा मातहमा रहेका एसइई, कक्षा ११ र १२ परिक्षा केन्द्र समेत जिल्ला सदरमुकाममा मात्र रहेका राष्ट्रिय परिक्षा समेत सञ्चालनमा समस्या पर्ने देखिएको छ । कक्षा ११ र १२ को परिक्षा चैत्र २८ पछाडी सञ्चालन गर्ने कार्यतालिक रहेपनि अब कसले सञ्चालने गर्ने भन्ने स्पष्ट भएको छैन् । यस्तै समस्याहरु कृषि, पशु, स्वास्थ्य लगायतका कार्यालयहरुमा पनि देखिने भएको छ । ‘यस आर्थिक वर्ष भित्र सञ्चालनमा रहेका योजनाहरु असार मसान्त सम्म टुंग्याउनु पर्नेछ, यदी त्यस्तो भयो भने ती योजनाको भविष्य के हुने ?, कसले भुक्तानी गर्ने हामी त अन्यौलमा छौ’ जिल्ला कृषि बिकास कार्यालयका वरिष्ठ कृषि बिकास अधिकृत यामकुमार श्रेष्ठले भने ।

शिक्षा र कृषिमा जस्तै भुमिसुधार कार्यालयमा पनि समस्या छ । हाल भइरहेका काम कसलाई जिम्मा लगाएर जाने ? कर्मचारी समायोजनको कसरी कहाँ हुने जस्ता कुराहरु अन्यौलता रहेको ती कार्यालयका प्रमुखहरुले बताएका छन् । उनीहरुले त्यसको लागि आवश्यक समन्वय गरिदिन प्रदेश सरकार र मन्त्रीहरुलाई समेत आग्रह गरेका छन् ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए