गोरखा समाचारदाता
गोरखा सदरमुकाममा जारी गोर्खली रनिङ कप फुटबलमा शनिबार २ खेल सम्पन्न भएका छन् । हरमटारी क्लवको आयोजनामा गत ७ गतेदेखि सुरु भएको प्रतियोगिता अन्तरगत हिजोको पहिलो खेल नख्खिपोट युथ क्लब र संखुवासभा युनाइटेड बिच भएको छ । खेल अवधीभर दुवै पक्षबाट कुनैपनि गोल हुन नसकेपछि ट्राइब्रेकरमा नख्खिपोट ललितपुरले संखुवासभालाई ५(४ गोलले हराउदै सेमिफाइलनको यात्रा तय गरेको छ । त्यस्तै दोस्रो खेलमा रणसिंह दल गणलाई ट्राइब्रेकरमा हराउदै गोरखकाली युथ कलब दरबारमार्गजे जित हासिल गरेको छ । ट्राइब्रेकरमा ५(३ गोल अन्तरले जितेको दरवारमार्ग पनि सेमिफाइनलमा प्रवेश गरेको छ ।
आज हुने सेमिफाइनल खेलको पहिलो खेल गोरखकाली युथ क्लब र नख्खिपोट युथ क्लब ललितपुर बिच र एफसि रियल्ली भर्सेज त्रिवेणी युथ क्लब चितवन बिच हुने आयोजक हरमटारी क्लबका अध्यक्ष बिशाल गुरुङले जानकारी दिएका छन् । खेल आज दिनको २ बजेबाट सुरु हुने अध्यक्ष गुरुङको भनाई छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए