कतारमा झन्डै ५ सय भन्दा बढी नेपाली इन्जिनियरहरु रहेका छन् । अध्यक्ष झाले बिदेशीहरुसँग नेपालीहरु प्राबिधिक कार्यमा प्रतिस्पर्धा गर्न सकेको बताए ।
आश्विन १७, २०७३- कतारमा कार्यरत नेपाली इन्जिनियरहरुले ‘५४ औ इन्जिनियर दिबस’ मनाएका छन् ।

नेपाल इन्जिनियर्स एशोसियसन कतारको आयोजनामा भएको दिवसको उद्घाटन गर्दै कतारका लागि नेपाली कार्यबाहक राजदुत मणीरत्न शर्माले कतारमा नेपाली इन्जिनियरहरुको उपस्थीति बलियो रहेको बताए । ‘दक्ष कामदारको रुपमा नेपाली इन्जिनियरहरुको सख्या बढिरहेको छ’, उनले भने,‘यहाँ सिकेका सीपहरु नेपालको बिकास उपयोग गर्न सकिन्छ ।’
एशोसिसनका अध्यक्ष श्रवणकुमार झाले नेपालमा त्रिभुबन बिश्वबिद्यालयको पाठ्यक्रम कतारको शिक्षा काउन्सीलले नचिन्दा आफुहरुले समस्या भोगिरहेको बताए । ‘हामीले नेपाल सरकारलाई यहाँको शिक्षा काउन्सीललाई पाठ्यक्रम सम्बन्धी पत्र पठाउन धेरै पटक अनुरोध गरौं’, उनले भने,‘हाम्रो समस्या यथावत छ ।’

कतारमा झन्डै ५ सय भन्दा बढी नेपाली इन्जिनियरहरु रहेका छन् । अध्यक्ष झाले बिदेशीहरुसँग नेपालीहरु प्राबिधिक कार्यमा प्रतिस्पर्धा गर्न सकेको बताए ।
कार्यक्रममा कतार युर्निभरसिटीका प्रोफेसर डा. शालिकराम पोखरेलले इन्जिनियरहरुले प्रोजेक्ट ब्यबस्थापनसम्बन्धी बिशेष ध्यान दिनुपर्ने पाटोमा कार्यपत्र प्रस्तुत गरेका थिए ।
एशोसियसनका सचिब किरण गौतमका अनुसार कतारमा कार्यरत अधिकांस इन्जिनियरहरुको सहभागिता थियो । कार्यक्रममा नेपाली सास्कृतिक कार्यक्रम समेत प्रस्तुत गरिएको थियो । कार्यक्रममा इन्जिनियरहरु रबिकान्त लाल, बिरेन्द्रकुमार शाह, मोहम्द आयुब लगायतकाले सम्बोधन गरेका थिए ।

ekantipur

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए