गाेरखा । भाेटेकाेशी नदीमा आएकाे बाढी पछी नदी किनारमा पुरिएका शवहरुकाे खाेजी गर्न नेपाल प्रहरीले तालिम प्राप्त कुकुर परिचालन गरिएकाे छ ।
रसुवाकाे भाेटेकाेशी नदीमा आएकाे बाढीले बगाएर ल्याएका शवहरुकाे खाेजी गर्न हिजाे आइतबारदेखी प्रहरीले तालिम प्राप्त कुकुर परिचालन गरिएकाे जिल्ला प्रहरी कार्यालय गाेरखाका प्रहरी नायव उपरिक्षक एवं सूचना अधिकारी राज कुमार श्रेष्ठले जानकारी दिए ।
पहिलाे दिनमा नै त्रिशुली नदी किनारका सहिदलखन गाउँपालिका-४ कुरिनटार स्थित त्रिशुली नदीको किनारमा बाढीले बगाई ल्याएको शवहरुको खोजतलास तथा उद्धारको काम सुरु गरेकाे हाे ।
प्रहरी निरिक्षक विशाल अधिकारी को कमाण्डमा ३५ जनाको टोली र गण्डकी प्रदेश प्रहरी कार्यालय केनाइन उपशाखा पोखरा, कास्कीबाट प्रहरी नायव निरिक्षक मिलन केसीको कमाण्डमा १० जना सहित २ वटा तालिम प्राप्त कुकुरद्धारा खाेजी सुरु गरेकाे सूचना अधिकारी श्रेष्ठले बताए ।
साथै गाेरखामा रहेकाे नेपाली सेनाकाे रुद्रध्वज गणबाट नेपाली सेना क्याप्टेन निरोज थापाको कमाण्डमा १० जना र विपद व्यवस्थापन तालिम शिक्षालय कुरिनटार चितवन बाट सशस्त्र प्रहरी सहायक निरिक्षक ओम प्रकाश यादवको कमाण्डमा ७ जनाको टोली समेत परिचालन भएकाे गाेरखा प्रहरीले जनाएकाे छ ।
हिजाे पहिलाे दिनमा नै कुरिनटार, फेवाटार, सिलिङटार, त्रिवेणीघाट लगायत त्रिशुली नदीको किनारका विभिन्न स्थानमा खोजतलास कार्य भई रहेको पनि सूचना अधिकारी श्रेष्ठले जानकारी दिए ।