साँकेतिक तस्बिर
गाेरखा । उत्तरी गाेरखामा रहेकाे मनास्लु बेश क्याम्पमा १ जना पुरुष मृत्यु भएकाे छ । मृत्यु हुनेमा संखुवासभा जिल्ला मकालु गाउँपालिका-२ घर भएका टाँसी शेर्पा भएकाे जिल्ला प्रहरी कार्यालय गाेरखाका प्रहरी नायब उपरिक्षक एवं सूचना अधिकारी राज कुमार श्रेष्ठले जानकारी दिए ।
उनका अनुसार शेर्पा पाइनर एडभेन्चर कम्पनी लिमिटेड मार्फत पोर्टर र किचनमा कामगरी केही दिनदेखी बेश क्याम्पमा बस्दै आएका थिए ।
उनकाे मृत्य हिजाे बिहान भएकाे भएता पनि गाेरखा प्रहरीलाई ढिला गरी खबर प्राप्त भएकाे सूचना अधिकारी श्रेष्ठले बताए ।
शेर्पाकाे भदाै १९ गते ९:३० बजे बिहानसम्म पनि नउठेपछी साथीहरुले उठाउदा मृत्त अवस्थामा फेला परेकाे जानकारी प्राप्त भएकाे गाेरखा प्रहरीले जनाएकाे छ ।
शेर्पा भदाै १८ गते सामागाउँबाट मनास्लु बेश क्याम्प पुगका थिए । उनको मृत्त शरिर आज बिहान ऐभरेष्ट एयर मार्फत पोष्टमार्टम को लागि टिचिङ अस्पताल महाराजगन्ज काठमाडौं पठाइएको सूचना अधिकारी श्रेष्ठले बताए ।