फाईल तस्बिर
गोरखा । चिनको लेन्दे खोला हुदै नेपालको रसुवाबाट आएको बाढीले गोरखा–धादिङ र चितवन जोडने ३ झोलुङे पुलमा क्षती पुगेको छ ।
त्रिशुली नदी माथी बनेको गोरखा–धादिङ जोडने २ र गोरखा चिवतन जोडने १ झोलुङे पुल पूर्ण रुपमा क्षती पुगेको जिल्ला प्रशासन कार्यालय गोरखाका प्रमुख जिल्ला अधिकारी तुलसी बहादुर श्रेष्ठले बताए ।
उनका अनुसार गोरखाको गण्डकी गाउँपालिका–८ को धवादीघाट र धादिङको चरौदी जोडने झोलुङे पुल र गण्डकी गाउँपालिका–७ को इट्टार र धादिङको चौकीटार जोडने झोलुङे पुल बाढीले बगाएको हो ।
सोही बाढीले जिल्लाको शहिदलखन गाउँपालिका–३ फिस्लिङटार र चितवनको कुरिनटार जोडने झोलुङे पुल पनि पूर्णरुपमा क्षती पुगेको प्रजिअ श्रेष्ठले बताए ।
पुलमा क्षती पुगे संगै गोरखाका धेरै गाउँका सर्व साधारणले सास्ती भोग्न बाध्य भएका छन् । उनीहरु घण्टौ लगाएर बैकल्पीक बाटो प्रयोग गरेर राजमार्गमा आउन बाध्य भएका छन् ।
झोलुङे पुलहरुको निर्माण तथा मर्मत संभारको लागि प्रशासनले सस्पेन्शन ब्रिज डिभिजन श्रीमहल पुलचोक ललितपुरलाई पत्राचार गरी सकेको पनि प्रजिअ श्रेष्ठले बताए ।