गोरखा । बुधबार रसुवाको भोटेकोशीमा आएको बाढीमा परी गोरखाका ५१ जना सम्पर्क बिहीन भएका छन् ।

जिल्ला प्रशासन कार्यालय गोरखाका अनुसार पालुङटार र गोरखा नगरपालिका, शहिद लखन, धार्चे, अजिरकोट, आरुघाट, गण्डकी र बारपाक सुलिकोट गाउँपालिका गरी ५१ जना सम्पर्क बिहीन भएका हुन् ।

उनी विभिन्न काममा सिलसिलामा बाढी प्रभावित क्षेत्रमा गएका र हालसम्म पनि सम्पर्कमा नआएको भन्दै आफन्तद्वारा प्रशासनका जानकारी प्राप्त भएको प्रमुख जिल्ला अधिकारी तुलसी बहादुर श्रेष्ठले बताए ।

प्रजिअ श्रेष्ठका अनुसार सबैभन्दा धेरै पालुङटार नगरपालिकामा मानिसहरु सम्पर्क बिहीन भएका छन् । उनीहरु सबै गोसाईकुण्डमा आज लाग्ने मेलाका लागि गएका थिए ।

प्रशासनबाट प्राप्त विवरण अनुसार पालुङटार नगरपालिकाका २८ जना, शहिद लखन गाउँपालिकाका ७ जना, धार्चे गाउँपालिका र आरुघाट गाउँपालिका ३–३ जना, अजिरकोट र गण्डकी गाउँपालिका १–१ जना, बारपाक सुलिकोट गाउँपालिकाका ६ जना र गोरखा नगरपालिकाका २ जना सम्पर्क बिहीन भएका हुन् ।

प्रशासनले उनीहरुको खोजीको लागी सम्बन्धीत जिल्लामा सम्पर्क गरीरहेको पनि प्रजिअ श्रेष्ठले बताए ।

लेखकबाट थप:

• सुन ताेलामा २४ सयले घट्याे
• रसुवा बाढी कहर : ४६९ जनाको शव फेला, ९७७ जना अझै बेपत्ता
• तनहुँकाे छिर्कनेमा ट्रक र पिकअप ठोक्किँदा २ जना घाइते
• नेपाल राष्ट्र बैंकले शुक्रबारकाे  लागि निर्धारण गरेकाे विदेशी मुद्राको विनिमयदर
• आजकाे माैसम : ६ प्रदेशमा भारी वर्षाको सम्भावना, सर्तकता अपनाउन आग्रह