गोरखा । हिजो रसुवाबाट आएको बाढीमा परी गोरखाको विभिन्न स्थानमा फेला परेका शवहरु पोखरा पठाईएको छ ।
त्रिशुली नदीको तटमा फेला परेका १९ शव मध्य सग्ला रहेका ११ शव पोखरा पठाईएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी राज कुमार श्रेष्ठले बताए ।
उनका अनुसार जिल्लामा भएका एम्बुलेन्स मार्फत ति शवहरु पोखरा स्वास्थ्य विज्ञान प्रतिष्ठान अन्तरर्गतको पश्चिमाञ्चल क्षेत्रिय अस्पताल पठाइएको हो ।
पोखरा पठाईएका शव मध्य १ जना नाबालक, १ जना महिला र ९ जना पुरुषको शव रहेको छ ।
बाढी लगत्तै हिजो साँझ पखसम्म संकलन भएका शवहरु प्रदेश अस्पताल गोरखाको शव गृहमा राखिएको थियो । २ वटा शव मात्र राख्न मिल्ने उक्त शव गृहमा धेरै शव भएका कारण पोखरा पठाईएको छ ।
जिल्ला प्रहरी कार्यालय गोरखाले बाढीमा परेर हराएका परिवारजनले पोखराको पश्चिमाञ्चल क्षेत्रिय अस्पतालमा सम्पर्क राख्न समेत अनुरोध गरेको छ ।