गोरखा । लामाे समय पछी गोरखाको भीमसेन थापा गाउँपालिकाकाे घ्याम्पेसालमा निर्माण गरिएकाे विद्युत् सबस्टेसन सञ्चालनमा आएकाे छ । ध्याम्पेशालमा निर्माण गरिएकाे ३३/११के.भी.काे सबस्टेसन सञ्चालनमा आएकाे गाेरखा बिरतण केन्द्रले जनाएकाे छ ।

नेपाल विद्युत् प्राधिकरण, आयोजना व्यवस्थापन निर्देशनालय, वितरण प्रणाली सुदृढीकरण तथा विस्तार आयोजना, एसियाली विकास बैंक र नेपाल सरकारको संयुक्त लगानीमा उक्त सबस्टेसन निर्माण गरिएकाे हो ।

लामो समयदेखि स्थानीयस्तरमा उत्पन्न अवरोधका कारण सञ्चालनमा आउन नसकेको सबस्टेसन सञ्चालनमा आएपछि उत्तरी गोरखाका जनतालाई लाभ पुग्ने नेपाल विद्युत् प्राधिकरणका कायममुकायम कार्यकारी निर्देशक दीर्घायु कुमार श्रेष्ठले बताए ।

उनका अनुसार उक्त्त सबस्टेसनबाट उत्तरी गाेरखाका १५ हजार जनताले भरपर्दो र गुणस्तरीय विद्युत् सेवा प्राप्त गर्नेछन् ।

सबस्टेसन निर्माण संगै उक्त क्षेत्रकाे निर्माणाधीन बारपाक दरौदी हाईड्रोपावर आयोजनाबाट उत्पादन हुने १० मेगावाट विद्युत् समेत यसै सबस्टेसनको माध्यम बाट नेपाल विद्युत् प्राधिकरणको प्रणालीमा जोडिने छ ।

लेखकबाट थप:

• सुनकाे मूल्यमा सामान्य गिरावट आउदा चाँदी ह्वात्तै घट्याे
• रोमानियामा रेलले ठक्करदिदा २ जना नेपालीको मृत्यु, पहिचान खुल्न सकेन
• आज प्रतिनिधिसभा बैठक बस्दै
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : कोशी, बागमती र गण्डकीमा भारी वर्षाको संभावना