गोरखा । गोरखा जिल्ला भर गएको आर्थिक वर्ष भरीमा ६ हजार भन्दा बढी सवारी साधन कारवाहीमा परेका छन् ।
जिल्ला ट्राफिक प्रहरी कार्यालय गोरखाले दिएको जानकारी अनुसार आर्थिक बर्ष २०८२–०८३ मा जिल्ला भित्र कुल ६ हजार ३११ सवारी साधन कारवाही परेका हो ।
जिल्ला इन्चार्ज सुरज अर्यालका अनुसार सबै भन्दा बढी २ पाग्रें सवारी कारवाही परेका थिए । उनका अनुसार गए आवमा मात्रै २ हजार ३७० मोटरसाइकल कारवाहीमा परेका थिए ।
सोही आवमा १ हजार ३०४ वटा कार/जिप, १ हजार २०४ वटा ट्रक/टिपर तथा ८८३ वटा बस कारवाहीमा परेको जिल्ला ट्राफिक प्रहरी कार्यालय गोरखाका प्रहरी नायव निरिक्षक एवं जिल्ला इन्चार्ज अर्यालले बताए ।
त्यसका साथै ४४५ वटा ट्याक्टर र ९५ वटा टेम्पो तथा अन्य सवारी साधन समेत कारवाहीमा परेका थिए ।
आव ०८१–०८२ को तुलनामा गत आवमा ४० प्रतिशत भन्दा कम संख्यामा मात्र सवारी साधनहरु कारवाहीमा परेको हो । आव ०८१–०८२ मा कुल ११ हजार ४३ सवारी साधन कारवाहीमा परेका थिए ।
आव ०८२–०८३ मा जिल्ला भित्र ट्राफिक नियम सम्वन्धी ब्यापक रुपमा जनचेतना कार्यक्रम सञ्चालन गरेको कारण पनि कारवाहीको संख्यामा कमी आएको प्रमुख अर्यालले दावी गरे ।
कारवाहीमा परेका अधिकांश सवारी साधनले कागजपत्र दुरुस्त नराखेको, सवारी चालक अनुमती पत्र लिएर नचलाएको, मापसे तथा लापसे एवं ट्राफिक नियम उल्लघंन गरेर सवारी चलाएकाहरु रहेको कार्यालयले जानकारी दिएको छ ।
