गोरखा । गोरखा स्कुटर चोरी गरेकाे आराेपमा २ जनालाई प्रहरीले पक्राउ गरेको छ ।
साउन ५ गते मंगलबाररातिको समयमा पार्किङ गरी राखिएको स्कुटर चोरी गरेकाे आराेपमा २ जनालाई पक्राउ गरिएको जिल्ला प्रहरी कार्यालय गोरखाका प्रहरी नायव उपरीक्षक एवं सूचना अधिकारी राजकुमार श्रेष्ठले जानकारी दिए ।
उनका अनुसार पक्राउ पर्नेमा गोरखा नगरपालिका-६ बस्ने बर्षीया २१ को विक्रम विक र अन्य १ जना नाबालक रहेकाे उनले बताए ।
उनिहरुले मंगलबार रातको समयमा गोरखा नगरपालिका-११ काे तेहकिलोका हस्त बहादुर रम्तेलले आफ्नो घर नजिकै पार्किङ गरी राखेको ना ३५ प ५३ नम्बरको स्कुटर चोरी भएको थियाे ।
प्रहरीले अनुसन्धान पछी उनीहरुलाई पक्राउ गरेकाे हाे । चोरी भएको उक्त स्कुटर पालुङटार नगरपालिका-१ काे मसानेठाँटीस्थित सडक किनारमा बेवारिसे अवस्थामा फेला परेको थियो ।
पक्राउ परेका दुवै जनालाई बिहीबार गाेरखा अदालतबाट ५ दिनको म्याद थपगरि अनुसन्धान अघि बढाइएको छ ।
