गाेरखा । गाेरखा प्रहरीले करिब आधा केजी गाँजा सहित ३ जनालाई नियन्त्रणमा लिन सफल भएकाे छ ।
प्रहरीले गोरखा नगरपालिका-४ फिनाम बस्ने बर्ष ३० को अमृत बयलकोटी, गाेरखा नगरपालिका-९ ठिगुरेश्वारा बस्ने बर्ष ३० को प्रबेश कुँवर र साेही वडाकाे लक्ष्मीबजार बस्ने बर्ष २९ को सुवास दवाडीलाई नियन्त्रणमा लिएकाे हाे । बयलकाेटी कार चालक भएकाे प्रहरीले जानकारी दिएकाे छ ।
प्रहरीले उनीहरुबाट ४२५ ग्राम गाँजा सहित पक्राउ गरेकाे जानकारी दिएकाे छ । उनीहरुले साउन १ गते शहिद लखन गाउँपालिका-९ काे नामजुङकाे १ घरबाट गाँजा चाेरी गरेर भाग्दै गर्दा घरधनीले प्रहरीलाई खबर गरेका थिए ।
तत्कालै सहिदलखन गाउँपालिका- ७ काे लाखेडाँडा स्थितमा प्रहरी चौकी बुङकोटबाट खटीएकाे प्रहरीकाे टाेलीले उनीहरुलाई गाँजा सहित नियन्त्रणमा लिएकाे प्रहरीले जनाएकाे छ ।
गाँजा चाेरी गरी गोरखा बजार तर्फ भाग्दै गर्दा ग ४ च २४२८ न. को निजी EV कार सहित प्रहरीले नियन्त्रणमा लिएकाे छ । प्रहरीले अनुसन्धानका लागि गाेरखा जिल्ला अदालतबाट म्याद लिएर थप अनुसन्धान गरी रहेकाे जनाएकाे छ ।