गोरखा । उत्तरी गोरखालाई जोड्ने प्रमुख यातायात मार्गको रूपमा रहेको आरुघाट–माछिखोला कच्ची सडकखण्डमा पहिरो खसेर पूर्ण रूपमा अवरुद्ध भएको छ ।

गोरखाको धार्चे गाउँपालिका-७ स्थित लिदिङ भन्ने स्थानमा सडकमाथिबाट खसेको पहिरोका कारण सवारी आवागमन ठप्प भएको हो ।

जिल्ला प्रहरी कार्यालय गोरखाका अनुसार मंंगलबार साँझ करिब ६ बजे सडक माथिबाट सुख्खा र गिलो माटोसहित ठूलो लेदो र ढुङ्गा खसेको हो ।

पहिरोले बाटो पूर्ण रूपमा ढाकेपछि सो सडकखण्ड भएर चल्ने सवारी साधन तथा यात्रुहरू बीच बाटोमै अलपत्र परेका छन् । घटनाको जानकारी प्राप्त हुनासाथ नजिकै रहेको प्रहरी परिचलान गरिएकाे  गाेरखा प्रहरीले जनाएकाे छ ।

घटनास्थल प्रहरी चौकी आर्खेतबाट करिब ८ किलोमिटर उत्तरतर्फ पर्दछ । आरुघाट-माछिखोला सडकखण्ड उत्तरी गोरखाका धार्चे र चुमनुब्री गाउँपालिकाका बासिन्दाका लागि खाद्यान्न तथा अत्यावश्यकीय सामग्री ओसारपसार गर्ने मुख्य मार्ग हो ।

सडक अवरुद्ध भएपछि मनास्लु पदमार्गमा जाने पर्यटक, स्थानीय सर्वसाधारणहरु पनि प्रभावित भएका छन् । पहिरो पन्छाएर बाटो पुनः सञ्चालनमा ल्याउन पहल भइरहेको धार्चे गाउँपालिकाका अध्यक्ष लक्ष्मण गुरुङले जानकारी दिए ।

लेखकबाट थप:

• सुन ताेलामा ४८ सयले घट्याे
• आज कुशे औँसी
• नेपाल राष्ट्र बैंकले शुक्रबारकाे लागि निर्धारण गरेकाे विदेशी मुद्राको विनिमयदर
• चितवनमा इभी कारमा आगलागी, चालकको मृत्यु, पहिचान हुन सकेन
• आजकाे माैसम : देशभर मनसुनी वायुको प्रभाव कायमै, केही स्थानमा भारी वर्षाको सम्भावना