साँकेतिक तस्बिर
गाेरखा । सिरहाको गोलबजार नगरपालिका–७ मा एकै परिवारका ३ बालबालिकाको खाडलमा डुबेर मृत्यु भएको छ । गोलबजार–७ स्थित पशु बजार नजिकै रहेको खाडलमा नुहाउने क्रममा आइतबार दिउँसो उनीहरूको मृत्यु भएको हो ।
मृत्यु हुनेमा स्थानीय अब्बास खानका ८ वर्षीय एक छोरा सैफुल शेख तथा १० र १२ वर्षीया दुई छोरीहरू क्रमश: रुविना खातुन र सवनम खातुन रहेको सोही वडाका वडाध्यक्ष हरिशरण ठाकुरले जानकारी दिए ।
वर्षाका कारण पशु बजार क्षेत्रमा रहेको खाल्डोमा पानी भरिएको थियो । सोही खाडलमा नुहाउन गएका बालबालिकाहरू पानीमा डुबेका हुन् ।
घटनाको जानकारी पाएलगत्तै नेपाल प्रहरी र सशस्त्र प्रहरी बलको टोली घटनास्थल पुगेर उद्धार कार्यमा खटिएको थियो ।
स्थानीयले ५ जना डुबेको बताएपनि औपचारिक पुष्टि भइसकेको छैन । सुरक्षाकर्मीले अहिले पनि खोजतलास जारी राखेका छन् ।
