एजेन्सी । भेनेजुएलामा गएको भूकम्पमा परी मृत्यु हुनेकाे संख्या हालसम्म ३ हजार ८८९ पुगेको छ ।
भेनेजुएलाको नेसनल एसेम्बलीका अध्यक्ष जर्ज रोड्रिगेजले आफ्नो टेलिग्राम च्यानल मार्फत यो जानकारी दिएका हुन् ।
उनका अनुसार भूकम्पमा परी १६ हजार ७४० जना घाइते भएका छन् भने १७ हजार ९०७ जना घरबारविहीन भएका छन् ।
भूकम्पका कारण जम्मा १९० वटा भवनहरू पूर्ण रूपमा क्षती ग्रस्त भएका छन् । अन्य ८५६ वटा भवनहरूमा ठूलो क्षति पुगेको छ । उद्धार कार्यका क्रममा ६ हजार ४६२ जनालाई सुरक्षित उद्धार गरिएको छ ।
त्यस्तै २८ हजार ८३६ जनाले अस्पताल तथा स्वास्थ्य संस्थाहरूमा उपचार पाएका छन् । अहिलेसम्म ८६ हजार ७९४ परिवारलाई सहायता उपलब्ध गराइएको छ । प्रभावितहरूलाई ९ हजार ६०३ टन खाद्य सामग्री वितरण गरिएको छ ।
भेनेजुएलामा गत जुन २४ को बेलुका शक्तिशाली भूकम्प गएको थियो । त्यतिबेला ४० सेकेन्डको अन्तरालमा ७.२ र ७.५ म्याग्निच्युडका २ वटा ठूला भूकम्पका झट्काहरू रेकर्ड गरिएका थिए ।