गोरखा । डिभिजन बन कार्यालय गोरखाले यो असार भित्र ४३ हजार बोट बिरुवा निःशुल्क वितरण गर्ने तयारी गरेको छ ।
कार्यालयको जिल्ला भित्र रहेको ३ वटा नर्सरीबाट उत्पादन भएको ४३ हजार बोट बिरुवा बितरण गर्ने तयारी गरेको डिभिजन बन प्रमुख मदन मोहन शाण्डिल्यले बताए ।
उनका अनुसार यो असार मसान्त सम्ममा बहु बर्षिय र १ बर्षिय बोट बिरुवा वितरण गर्ने तयारी गरेको हो ।
ठाँटीपोखरीमा रहेको पालुङटार सव डिभिजन बन नर्सरी, गोरखा नगरपालिका–१३ को ३ किलोमा रहेको डिभिजन बन नर्सरी र सिउरेनीटारमा रहेको गण्डकी सब डिभिजन बन नर्सरीबाट उत्पादित बोट बिरुवाहरु कार्यालयले बितरण गर्न लागेको हो ।
६ प्रजातिका अन्तरर्गत काठजन्य बिरुवाहरुमा खयर, सिसौ, बकाईनो, सल्लो र चाँप, फलफुलजन्य बिरुवाहरुमा अम्बा, अमला, लप्सी, ओखर र अमिलो तथा डाले घाँसजन्य बिरुवाहरुमा राईखन्यू, निमारो, टाँकी, किम्बु, कटहर र ईपिलईपिलका बोट बिरुवाहरु निःशुल्क बितरण गर्न लागेको हो ।
त्यस्तैगरी, शौन्दर्यमूलक बिरुवाहरुमा धुपी, पारीजात, गोलमोहर, बिरेन्द्रफुल, कल्कीफुल, असारे, अशोक र कपुर, जडिबुटीजन्य बिरुवाहरुमा टिमुर, निम, चिउरी, श्रीखण्ड, लौठसल्ला र सितलचिनी तथा साँस्कृतिजन्य बिरुवाहरुमा बर, पिपल, समी र बेलका ४३ हजार बोट बिरुवा बितरण असार २० गतेबाट बितरण गर्न लागेको हो ।
बोट बिरुवा लान चाहने ब्यक्ति, फर्म, कृषिबन, निजी बन, उपभोक्तो समुह, संघसंस्था, सरकारी कार्यालय तथा स्थानिय तहहरुलाई सम्बन्धित नर्सरी तथा डिभिजन कार्यालयमा सम्र्पक राख्न डिभिजन बन प्रमुख शाण्डिल्यले आग्रह गरे ।
बिरुवा आवश्यक परे तलकाे नम्बरमा सम्पर्क राख्नु हाेला :
