गोरखा । गोरखा काष्ठ ब्यवसायी संघले आज दरौदी किनारमा बृक्षा रोपण गरेका छन् ।
बृक्षा रोपण दिवसको अवसर पारेर संघले छेवेटारमा रहेको दरौदी नदी किनारमा बृक्षा रोपण गरिएको संघका महासचिव सन्जोग तिमिल्सिनाले जानकारी दिए ।
संघले सरकारले चालेको सगरमाथा बृक्षा रोपण महाअभियानलाई सहयोग पुग्ने गरी कार्यक्रमको आयोजना गरेको पनि उनले बताए ।
गोरखा नगरपालिका–१० छेवेटार बजार नजिकै रहेको खेलकुद मैदानलाई सौन्दर्यकरण हुने गरी विभिन्न जातका ७० बिरुवा रोपण गरेको छ ।
गुलमोहर, धुपी, कपुर र बिरेन्द्र फुलका जातहरुको बिरुवा रोपण गरिएको र त्यसको संरक्षणको लागि तारजाली समेत लगाइएको महासचिव तिल्सिनाले जानकारी दिए ।
कार्यक्रममा बोल्दै प्रमुख अतिथी थापा मगरले बृक्षारोपण बातावरण जोगाउन मात्र नभएर मानविय जिवनमा सकारात्मक भूमिका खेल्ने बताए ।
जिल्ला समन्वय प्रमुख मोहन बहादुर थापा मगरको प्रमुख आतिथ्यतामा भएको बिरुवा रोपण कार्यक्रममा गोरखा नगरपालिकाका प्रमुख कृण्ण बहादुर थापा मगर, उपप्रमुख मसली मायाँ थोकर पुनः, संघका अध्यक्ष रुप लाल कुमाल, प्रमुख जिल्ला अधिकारी जिल्ला तुलसी प्रसाद श्रेष्ठ, प्रहरी कार्यायलयका प्रहरी नायब उपरिक्षक राज कुमार श्रेष्ठ, डिभिजन बन कार्यायलयका प्रमुख मदन मोहन शाण्डिल्य, सशस्त्र प्रहरी गुल्म गोरखाका प्रमुख ढल प्रसाद काफ्ले तथा जन प्रतिनिधी र स्थानियहरुको सहभागिता रहेको थियो ।
