गोरखा । गोरखा चेम्बर अफ कमर्स र वयन चेम्बर अफ कमर्सको आज संयुत्त रुपमा साधारण सभा सम्पन्न गरेको छ ।
सदरमुकाममा रहेको चेम्बरको अफिसमा शनिबार छैटौं साधारण सम्पन्न गरेको हो ।
चेम्बरका संस्थापक अध्यक्ष भाईचन्द्र श्रेष्ठ प्रमुख अतिथी रहेको साधारण सभामा महासचिव अशोक बावु रानाले प्रगती प्रतिवेदन र कोषाध्यक्ष बिशाल राना मगरले आर्थिक प्रतिवेदन पेस गरेका थिए ।
त्यस्तैगरी, वमन चेम्बरको सहसचिव गोमा पोखरेल प्रगती प्रतिवेदन र कोषाध्यक्ष सानुमायाँ खड्का आर्थिक प्रतिवेदन पेस गरेकी थिईन ।
चेम्बरका अध्यक्ष राम स्वरुप श्रेष्ठको अध्यक्षतामा भएको कार्यक्रममा गण्डकी प्रदेश चेम्बरका सदस्य ज्ञानु अधिकारी अर्याल, वमन चेम्बरका अध्यक्ष पूर्ण कुमारी शाही प्रधान, गोरखा सुनचाँदी ब्यवासयी संघका अध्यक्ष रेनु बराइली, होटल ब्यवसायीको तर्फबाट कार्यबाहक अध्यक्ष कृण्ण प्रसाद लामिछाने, चेम्बरका सल्लाहकार पवन रमण खनाल र मसला ब्यवसायीको तर्फबाट अरबिन्द गुप्ताले शुभकामना मन्तब्य राखेका थिए भने बरिष्ठ उपाध्यक्ष शिशुबावु प्रधानले धन्यबाद सहित कार्यक्रम समापन गरेका थिए ।
