गाेरखा । राष्ट्रिय स्वतन्त्र पार्टी (रास्वपा) को केन्द्रीय सदस्य पदका लागि भएको मतदान केही बेर अगाडी सम्पन्न भएको छ ।
निर्वाचन आयोगका अनुसार सम्पन्न निर्वाचनकाे मत परिणाम केही बेरमा नै प्रकाशन गरिने भएको छ ।
चितवनमा जारी महाधिवेशनमा ४ हजार १०० प्रतिनिधि रहेकामा २ हजार ९५० मत खसेको अनुमान गरिएको छ ।
विद्युतीय मेसिनबाट मतदान भएकाले निर्वाचनको परिणाम केही बेरमा नै सार्वजनिक हुने निर्वाचन समितिले जनाएको छ । पहिलो चरणमा ९९ जना सदस्यका लागि मतदान सम्पन्न भएसँगै अब दोस्रो चरणको निर्वाचन प्रक्रिया अघि बढ्ने छ ।
पार्टीका प्रवक्ता मनिष झाका अनुसार ९९ जना निर्वाचित केन्द्रीय सदस्यहरूले दोस्रो चरणमा हुने निर्वाचनमार्फत पदाधिकारीहरू छान्नेछन् । रास्वपाको पहिलो राष्ट्रिय महाधिवेशन यही असार ७ गते चितवनमा सुरु भएको हो ।